La Conseyería d'Economía y Emplegu, a traviés del Serviciu Públicu d'Emplegu, espublizó nel BOPA del 27 de marzu la convocatoria pola que se convoquen les subvenciones pal fomentu del emplegu, destinaes a financiar la contratación de persones desempleaes que faigan obres y servicios d'interés xeneral nel añu 2012.

Esta convocatoria sigue lo dispuesto nes Bases espublizaes nel BOPA del 19 de xineru de 2010.

Cola fin de facilitavos la presentación de los vuesos proyectos, entamamos un añu más un serviciu d'asesoramientu nel que vais poder solicitar información, mesmo en persona que telefónicamente o per corréu llectrónicu, sobre delles cuestiones d'interés: elementos básicos que tien que contemplar un proyectu, cómo rellenar los formularios correctamente, cómo presupuestar les actividaes, etc.

L'últimu día pa presentar los proyectos ye el 21 d'abril de 2012.