milenta nueva

Está viendo: 

NOTICIAS

Xixón recupera la figura de Rosario Acuña nun llabor d"arqueloxía feminista

L"Ayuntamientu de Xixón busca"l reconocimientu y recuperación de la figura de Rosario de Acuña como una de les pensadores más adelantaes de la so dómina
 
27/06/2006

Redacción  
La Casa d"Encuentros de muyeres de Xixón acueye esta tarde, a les siete y media, l"actu de presentación del llibru "Rosario Acuña. Literatura y transgresión en el fin de siécle" de la mano de Marta Fernández Morales, nun llarbor d"arqueoloxía feminista col que l"Ayuntamientu xixonés quier recuperar la figura de diferentes pensadores. Nel actu tamién van participar Dulce Gallego, conceyala de la Muyer del Ayuntamientu de Xixón, Ana Suárez, presidenta del colectivu Milenta Muyeres, y Ana Díaz Marcos, Doctora en Filoloxía.

"Rosario Acuña. Literatura y transgresión en el fin de siécle" ye un trabayu resultáu d"una de les beques concedies nel añu 2004 pa facer un estudiu sobre la figura de Rosario de Acuña (Pinto 1851-Xixón 1923), poeta, dramaturga, periodista, montañera, pensadora, masona y feminista temprana, que siempre tuvo vinculada a Asturies y n"especial a la ciudá de Xixón.

Rosario de Acuña foi pionera en munchos aspectos de la so vida y de la so obra, y a lo llargo d"estos últimos años foi recobrando importancia na historia del feminismu y nes cróniques de los llugares que vieron vivir y trabayar.

Na so política de beques d"investigación sobre"l movimientu pola igualdá de derechos ente homes y muyeres, de les que ye frutu esti proyectu, l"Ayuntamientu de Xixón comtempla esti llabor d"arqueoloxía feminista como una de les sos llinies maestres.




 

volver

  • Compartir
    • digg (en nueva ventana)
    • del.icio.us (en nueva ventana)
    • meneame (en nueva ventana)
    • fresqui (en nueva ventana)
    • technorati (en nueva ventana)
    • facebook (en nueva ventana)
    • twitter (en nueva ventana)
    • linkedin (en nueva ventana)
    • google bookmarks (en nueva ventana)
    • my yahoo (en nueva ventana)
    • my space (en nueva ventana)
var auxTitle=document.title; top.document.title=auxTitle;