El Conseyu de la Mocedá d"Uviéu entamó"l pasáu mes d"avientu una campaña de promoción del usu de la llingua asturiana ente la mocedá d"Uviéu. La campaña ta compuesta por calandarios, cartelos y muppies que en breve tarán nes cais de la ciudá. Esta campaña faese gracies al sofitu de la Conseyería de Cultura del Principáu d"Asturies, la Conceyalía de Mocedá del Ayuntamientu d"Uviéu y el Conseyu de la Mocedá del Principáu d"Asturies.

La campaña tien por oxetivu incidir na importancia de la llingua asturiana como elementu y preséu de futuru p"Asturies. Mediantes un breve testu, nel que se fai referencia a la importancia de la llingua asturiana como la mayor de les aportaciones que"l pueblu asturianu fai a la cultura universal. La mesma nun escaez tampoco la crisis que sofre Asturies en tolos niveles, poro fina cola frase "Defendi"l futuru d"Asturies. Defendi l"asturianu" y cola entruga a la mocedá "¿Qué Asturies quies tu?" cola que queremos facer participes a tolos mozos y moces de la mesma.